بمناسبة الكشري كنت اعد النهاردة بضرب واحد كشري وسط عند شيخ البلد فكان اعد جنبي واحد
ففتحنا في السياسة ومن هنا لهنا قولت اسأله انتا شايف مين من مرشحين الرئاسة الافضل في الفترة الجاية
فالراجل قالي والله يا استاذ بصراحة مش شايف حد ينفع يعني مثلا عندك الشيخ السلفي اللي نازل ده راجل
متدين اه وزي الفل بس مايعرفش في السياسة ده راجل بتاع دين وفقه وكدا قولتله طب وماله هوة السياسة
دي يعني كميا ماهو راجل محامي ودارس حقوق وليه خبرة في العمل السياسي بردو بجانب انه شيخ دارس
فقه وعقيدة وكدا قالي بس بردو ده شيخ ماينفعش قولتله ماشي طب ومين تاني قالي عمرو موسي ده
راجل سمعته كويسة وكدا ويمكن قريب من الناس شوية بس هوة عامل زي مبارك بالظبط ويعتبر
بردو من بتوع النظام القديم فالواحد مش مطمنله اوي وفضل يطلعلي عيوب في كل المرشحين بس
الغريب انه ماذكرش اسم البرادعي خالص اصلا فقولت يمكن مايعرفوش فسألته طب ايه رأيك في البرادعي
ماهو راجل كويس بردو ونازل الانتخابات وكان ليه دور واضح في الثورة ...فقام بطل اكل وبصلي
قالي ياعم حرام عليك .....كله الا البرادعي ده...قولتله ليه بس ياعم اشمعني هوة قالي ياعم لا ده راجل
كان عايش في امريكا ومنعرفش عنه حاجة وظهرلنا فجأة كدا ده بيقولوا عميل امريكي .......!!
قولتله بس هوة ماكنش عايش في امريكا ده كان عايش في مقر الوكالة الذرية في فيينا وراجل امريكا بتكرهه
وطردته من الوكالة علشان مكانش بيستجيب لضغوطتها ....قالي ماشي ياسيدي مانا فاكر لما ايام العراق قال
ان مفهاش اسلحة نووية وكان موقف حلو ليه واحنا عارفينه ....انا سمعت الكلمتين دول واتصدمت
قولت ايه ده في واحد طلع عارف من نفسه انه رفض الحرب علي العراق بصراحة متوقعتهاش منه خالص
خصوصا انه قالي انه عميل امريكا في الاول المهم قولتله ماشي طب كلامك معناه ان الراجل كان ضد امريكا اهو واحرجها
قدام العالم كله اومال بتقول عليه عميل ليه ...قالي يا استاذ والله معرفش بقي الناس كلها بتقول كدا
المهم اعدت اشرحله شوية وافهمه عن البرادعي ودوره في التغيير والثورة ومدي كره اسرائيل وامريكا ليه..
الراجل لقيته بيستغبي نفسه واتنرفز وقالي ازاي ياعم ده الراجل ده اتظلم كتير بقي علي كدا حرام ده علي كلامك يبقي
الراجل ده زي جمال عبد الناصر والناس المحترمة اللي بنسمع عنهم وقالي والله يا استاذ انا مكنتش اعرف الكلام ده
ولازم الناس تعرف الحقيقة دي ده مكسب كبير لينا لو نجح ....واقتنع جدا وكأنه كان عطشان ومستني نقطة ميه
وقالي والله لو كدا انا وعيلتي كلها حننتخب الراجل ده وححاول ابين حقيقته للناس
ومن هنا لهنا الراجل قالي سعيد بمعرفتك ومعرفش ايه وحلف ستين يمين انه هوة اللي حيحاسب وحاسبلنا انا وهوة
قلت ياه الشعب ده طيب جدا وراقي جدا والله
ربنا يوفقنا
فرسالتي الي كل البرادعاوية ..كلمة عن البرادعي تكفي لاقناع الناس به فكن فخورا به
ولا تتردد في الدفاع عنه فانت علي حق والحق منتصر
انا مصري
ففتحنا في السياسة ومن هنا لهنا قولت اسأله انتا شايف مين من مرشحين الرئاسة الافضل في الفترة الجاية
فالراجل قالي والله يا استاذ بصراحة مش شايف حد ينفع يعني مثلا عندك الشيخ السلفي اللي نازل ده راجل
متدين اه وزي الفل بس مايعرفش في السياسة ده راجل بتاع دين وفقه وكدا قولتله طب وماله هوة السياسة
دي يعني كميا ماهو راجل محامي ودارس حقوق وليه خبرة في العمل السياسي بردو بجانب انه شيخ دارس
فقه وعقيدة وكدا قالي بس بردو ده شيخ ماينفعش قولتله ماشي طب ومين تاني قالي عمرو موسي ده
راجل سمعته كويسة وكدا ويمكن قريب من الناس شوية بس هوة عامل زي مبارك بالظبط ويعتبر
بردو من بتوع النظام القديم فالواحد مش مطمنله اوي وفضل يطلعلي عيوب في كل المرشحين بس
الغريب انه ماذكرش اسم البرادعي خالص اصلا فقولت يمكن مايعرفوش فسألته طب ايه رأيك في البرادعي
ماهو راجل كويس بردو ونازل الانتخابات وكان ليه دور واضح في الثورة ...فقام بطل اكل وبصلي
قالي ياعم حرام عليك .....كله الا البرادعي ده...قولتله ليه بس ياعم اشمعني هوة قالي ياعم لا ده راجل
كان عايش في امريكا ومنعرفش عنه حاجة وظهرلنا فجأة كدا ده بيقولوا عميل امريكي .......!!
قولتله بس هوة ماكنش عايش في امريكا ده كان عايش في مقر الوكالة الذرية في فيينا وراجل امريكا بتكرهه
وطردته من الوكالة علشان مكانش بيستجيب لضغوطتها ....قالي ماشي ياسيدي مانا فاكر لما ايام العراق قال
ان مفهاش اسلحة نووية وكان موقف حلو ليه واحنا عارفينه ....انا سمعت الكلمتين دول واتصدمت
قولت ايه ده في واحد طلع عارف من نفسه انه رفض الحرب علي العراق بصراحة متوقعتهاش منه خالص
خصوصا انه قالي انه عميل امريكا في الاول المهم قولتله ماشي طب كلامك معناه ان الراجل كان ضد امريكا اهو واحرجها
قدام العالم كله اومال بتقول عليه عميل ليه ...قالي يا استاذ والله معرفش بقي الناس كلها بتقول كدا
المهم اعدت اشرحله شوية وافهمه عن البرادعي ودوره في التغيير والثورة ومدي كره اسرائيل وامريكا ليه..
الراجل لقيته بيستغبي نفسه واتنرفز وقالي ازاي ياعم ده الراجل ده اتظلم كتير بقي علي كدا حرام ده علي كلامك يبقي
الراجل ده زي جمال عبد الناصر والناس المحترمة اللي بنسمع عنهم وقالي والله يا استاذ انا مكنتش اعرف الكلام ده
ولازم الناس تعرف الحقيقة دي ده مكسب كبير لينا لو نجح ....واقتنع جدا وكأنه كان عطشان ومستني نقطة ميه
وقالي والله لو كدا انا وعيلتي كلها حننتخب الراجل ده وححاول ابين حقيقته للناس
ومن هنا لهنا الراجل قالي سعيد بمعرفتك ومعرفش ايه وحلف ستين يمين انه هوة اللي حيحاسب وحاسبلنا انا وهوة
قلت ياه الشعب ده طيب جدا وراقي جدا والله
ربنا يوفقنا
فرسالتي الي كل البرادعاوية ..كلمة عن البرادعي تكفي لاقناع الناس به فكن فخورا به
ولا تتردد في الدفاع عنه فانت علي حق والحق منتصر
انا مصري
كشري لوحدك يا ظالم
ردحذفوأنا فين من الكشري؟؟؟
ماشي ياميمي المرة الجاية حاخدك معايا...!!
ردحذفبس انتي اللي تحاسبي