اساليب مبتكرة واسترشادية سهلة للحشد ل25 يناير 2012 ضد العسكر

دي بعض الطرق والاساليب اللي ممكن نحشد بيها ليوم 25 يناير لاسقاط حكم العسكر :

1_ رسائل قصيرة علي الموبايل ..
 هتجيب رقم من اللي بيتباعوا في الشارع مش مسجل وتشترك في الرسائل المجانية اللي متوفرة في كل الشبكات
وتبدا تبعت لأرقام عشوائية جمل موجزة مثل ( 25 يناير 2012 تسليم السلطة للشعب __ 25 يناير 2012 اسقاط مجلس مبارك العسكري__ يسقط حكم العسكر __ 25 يناير مش احتفال ده استكمال __ لا تنسي الدماء التي سالت من اجلك __ وغيرها )



2_ الكتابة علي الفلوس ..
 تجيب العملات الورقية اللي معاك وتكتب عليها نفس الجمل ...

3_ رنات للموبايل ...
 حط رنات لموبايلك للثورة واستكمال الثورة ..

4_ اطبع منشورات وفي الخباثة كدا حطها قدام ابواب الشقق ..او علي مسحات العربيات اللي واقفة زي الاعلانات ..

5_ عليك مسئولية اقناع اصدقائك واقاربك ..

6_ لو انتا عالفيس ادخل علي جروبات وصفحات الحب والاغاني ومعرفش ايه وكدا وحط كومنتات وفكرهم ..

7_ انتشروا في المدونات بردو دي مهمة ...



==============================================================

الموضوع متجدد كل فترة هحط اساليب جديدة
ويسقط يسقط حكم العسكر

عاجل وهام جدا ::رسالة الي البرادعاوية .......ارجو قراءتها

كوني برادعاوي صميم عاوز اوصل رسالة للبرادعاوية وعندما اقول برادعاوية
لا اعني الذين يؤيدو دكتور البرادعي للرئاسة ولكن البرادعاوي يختلف فالبرادعاوي 
هو الذي يحيا بفكر البرادعي والذي عاش مع البرادعي وصاحبه في حلم التغيير من البداية
اليكم التالي :: لا تتحاملوا علي الدكتور البرادعي في انسحابه من اللعبة القذر اللي بتتم علي
قفا الشعب ...وماتتغابوش في فهم كلامه وانا عارف ان البرادعاوية واعيين وفهميين طبعا
البرادعي وصلنا رسالة مهمة جدا ....وهيا بلغة القذافي ....دقت ساعة العمل دقت ساعة العمل
فها هو الثائر الحق يعلنها عاليه مدوية لا نريد مناصب لا نريد القاب نريد كرامة وحرية
وسنعود للمقاومة والكفاح من اجل الكرامة والحرية والديموقراطية الحقيقية لا المزيفة
فكونوا علي قدر المسئولية ...وتوحدوا من اجل استكمال المسيرة 

الدكتور محمد البرادعي صدمنا بالحقيقة والواقع وهي انه لم يتغير شئ والوضع
مازال علي ماهو عليه فعلينا العمل مجددا من بداية الطريق لاستعادة ثورتنا المنهوبة
الدكتور البرادعي اعلن وللاسف موت الثورة الاولي ولكنه ايضا بكل فخر
اعلن ولادة الثورة الجديدة ...

يسقط يسقط حكم العسكر

ana masry
m.nazem

قائد الثورة ..يعرفه الفلول وكارهي الثورة ...ولا يعرفه الثوار ...

دائما ..يقولون عايزين قائد للثورة .....للاسف ثورتنا ملهاش قائد ومعرفش ابصر ايه (دول حزب الكنبة لما يتمسحوا في  الثورة)
ولكن للاسف بعض الثوار الحقيقيين انساقوا وراء هذا الكلام ونسوا من بث فيهم روح الحق والوطنية ...
حد هيقولي يعني انتا قاصدك ان الثورة ليها قائد؟؟ طب هو مين ؟؟ ليه عمل ايه ؟؟....
هذا السؤال عند الفلول وكارهي الثورة وابناء المخلوع ..تجدون اجابته .....أسألوهم لعلكم تفوقون وتعقلون ..
قائد الثورة هو الذي خرج مشايخ الحكم من المساجد يوم 28 يناير يهتفون ضده ..ويدعون انه من فعل هذه الهوجة
وانه يريد خراب البلد ...وخرجوا ليهتفوا ضده وحده ..يسقط البرادعي يسقط البرادعي .....
قائد الثورة ...هم يعرفونه جيدا لذلك يوجهون هجومهم اليه شخصيا علي الرغم من وجود مشاهير اخرين
شاركوا في الثورة ولكنهم لا يكرهون احدا مثل البرادعي ولا يهاجمون احدا غير البرادعي .....
ففكرت وتذكرت انه البرادعي ..نعم انه محمد مصطفي البرادعي ....
الذي جعلنا نثور بداخلنا اولا ونقتل خوفنا ويأسنا ونخلع ذلنا وهواننا ....لنتحرر من عبودية الخوف والذل بداخلنا
فهو من بدأ تحريرنا مما بداخلنا ......فانطلقنا نثور علي من ظلمنا ونطالب بحقوقنا وندفع بارواحنا للموت فداء غيرنا ..

نعم انه البرادعي الذي ثار فجمع مليون ونصف توقيع لبيان التغيير ......وبروح واصرار الشباب حولنا ثورة
التوقيعات الي ثورة حقيقية علي الارض واستطعنا اثبات انفسنا وجمع الشعب ليساند ثورتنا ...

فهو من اطلق روح التغيير فبثها  في قلوبنا ...فاستنشقنا الارادة ...وادمنا حب التغيير ...واصرينا علي تحقيقه ..
كم انتا عظيم حقا انت قائد ثورتنا ...

ويأتي البعض ليقول لي لا ..الثورة ثورة الشباب وثورة الشعب كله وكانت بدون قائد ....
يشعرنا هؤلاء ان وجود قائد للثورة يقتل دور الاخرين فيها ...لا بل وجود قائد الثورة
واعترافنا به وعدم تنكرنا له ...هو من يثبت دورنا من اكبر واحد فينا حتي اقل واحد ساهم ولو بالقليل ..
ولكن بالفعل وجود قائد للثورة ..يقضي علي فرص ركوبها من الذين نزلوا في الاحتفال برحيل مبارك
فهذا يفوت عليهم وعلي امثالهم الفرصة في ركوب الثورة .....ولتجدنهم هم اشد الناس رفضا
لكلمة قائد الثورة لانهم يريدوها سداح مداح ليتمكنوا من ركوبها ..........
وهم معروفون الذين هاجموا الثورة في بداياتها ثم جاءوا بعد نجاحها ليدعوا انهم من قام بها
وهم الذين يرفضون الاعتراف  بوجود قائد للثورة وهو الدكتور البرادعي ..
ايها الثوار افيقوا ...واجتمعوا حول قائدكم ولا تكونوا منكرين ....فهذا لكم وفي صالحكم 
فهذا يحمي ثورتكم من كلاب الشوارع الضالة .

اللهم بلغت اللهم فاشهد..

ana masry

مؤيدو البرادعي المدمنين ....!!!برادعاوي مدمن

اثناء تجولي في موقع الفيس بوك شفت صفحة ناقلة ان عبد المنعم الشحات قال (( مؤيدو البرادعي يعبدوه كاله, واستمر
وهل يوجد دين اسمه البردع .)) انتهي كلامه ..
في حيرة من أمري ولكوني برادعاوي صميم ....فكرت ليه الراجل ده بيقول علينا كدا ...وليه شايفنا كدا ..
فكرت في حالي وفي حال كتير من البرادعاوية مدمني الافكار البرادعاوية ...
فعلا البرادعاوي هو الشخص الوحيد الذي لا يمكن ان يغير تأييده للبرادعي ....والبرادعاوي هو اكثر
الناس الذي يهري نفسه ليل نهار للرد عن الاتهامات الخيالية الموجهه ليه ..والبرادعاوي هو الشخص
الوحيد الذي يتحمل المرار والغلب من الناس لمجرد تأييده للبرادعي ...لكنه لم يعبد البرادعي
ولكن أفكاره هي ديانتي ....هتقولي اعوذ بالله بتعبد افكاره ....هقولك أفكاره هي لب ومبادئ واسس ديني
((الاسلام )) .....
أنا مسلم مصري برادعاوي ...لا اعبده والعياذ بالله ...ولكنه جزء من حياتي ...فقد انتشلني من اللا مبالاة
الي البحث عن حقوق الاخرين قبل حقي ....وانتشلني من حب نفسي والدنيا ...ليجعلني اعشق الناس قبل نفسي
وأطلب الموت ....أكثر ما اتمني الحياة .....فهو من ذكرني بقيمتي ....وجعلني اثور لحقي
ووجه  نظري الي اخرين لم اكن اراهم يعيشون مثلي ...كنت اراءهم دائما اشياء..زي بتاع النضافة
والبواب والشحات والمتسول ......جعلني اتذكر انه مهما كان انسان ..وله حق  ليحيا انسان مثلي ....
وأنه لربما افضل مني بكثر ....جعلني اعرف قيمته وأقدر كرامته وادافع عن حقه المسلوب في أن يعيش
بجواري لا ااراه اقل مني .....هذا هو البرادعي
ولهذا انا ادمن البرادعي .....لافكار البرادعي ودوره في نفسي قبل دوره في وطني

ana masry

دستة ونص أشرار .......يعني 18 شرير .....(عسكر )

كان ياماكان ....وفبلد الامن والامان ....قام شوية شباب أبرار بثورة علي عصابة أشرار ....
كان زعيمهم واحد طيار ...دايرين في البلد دمار ...وشغالين علي ودنه بلا ادني اعتبار ..
ولكن الشباب الجبار ...قام عليهم وثار ...وحلف ان ما يرجعوا الا ومعاهم النهار ..
وبعد دم كتيير ..ومعاناة علشان التغيير .....حصل المراد ..واتخلع زعيم العصابة الكبير ...
فرحنا وهيصنا ...وعلي الدبابة رقصنا ....لكن التعلب المكير ..وقعنا في بير كبير ..
وسلمنا لدستة ونص اشرار ...مابيعرفوش غير ضرب النار ...وجايين حالفين يمين ..
ياخدو بتار زعيمهم التنين ....وفغفلة من الثوار ....ركبوا علي ثورتهم ...ودمروا امنيتهم ..
وقالوا احنا هنحميكم ...وهنحافظ عليكم ..ونحققلكم المراد ...

نمنا وسلمنا ..واديناهم الامان وائتمنا .....لكن الوحشيين ..لبسوناااااااااااااااااااااااااا العمة ..
وعملوا مصايب كتير ...وقالوا ان الشباب قابض دولارات ودنانير ...وعايزين يخربوا البلد ياشعب ياحمير ..
قام الشعب صدقهم ...ويا ولداه امنهم ...ومشيوا ورا كلامهم ......
قتلوا منهم كتير .....واللي اتصاب وماماتش ياحبة عين امه اخدوه اسير ...قالوا عليه بلطجي ولبسه مش توكيل

وقالوا فيه انتخابات ...نمشيها بقي وننسي اللي فات وهنسلمكم السلطة بعد 6 شهور ........
وبعد مرور عام .....يا اخوة يا كرام ....لم يسلموا السلطة ..وجابوا للثوار نقطة ...وقالوا لسة ال6 شهور مخلصوش ..!!!

قام الشعب العجيب ...قال نديهم فرصة .....
ادناهم فرصة ...ماسلموش السلطة .....
قام الشعب العجيب ......قال نديهم فرصة ...
ادناهم فرصة ماسلموش السلطة ...
قام الشعب العجيب .....قال ادوهم فرصة ....
لكن الثوار....كانوا واعيين ....وللحوار فاهمين ...قالوا كفاية فرص ....يغوروا بقي مش من نفس الجحر تاني نتقرص ...
وهب الشباب ...هبة اسود .......وثاروا علي الكلاب ......وقالوا احنا مش عبيد ....

قتلوهم ...سحلوهم ......سجنوهم .....وفي الاخر البنات عروهم .......

وساقوا الهبل عالجبل .......ونازلين فيهم بطش .......

فماذا تروا يا حلوين .......هل سيزال هؤلاء الثوار مستمرين .....ولا هيحبطوا ويقولوا ده كانت ثورة وعشنالنا يومين ..؟؟!!!

ننام بقي واكملكم الحكاية بعد يوم خمسة وعشرين ....

ana masry

هل يبكي المشير ؟؟

سؤال غريب ..جه علي بالي فجأة ..هل المشير بيبكي زينا ؟؟ هل هوة بكي قبل كدا ؟؟
ممكن حد يسألني طب وايه مناسبة السؤال وعايز تعرف ليه ؟؟ ....انا بس  عايز اعرف
هوة الناس دي زيينا يعني بيعيطوا لما بيشوفوا مشاهد دم أو قتل أو سحل أو تعذيب
أو شاب في بداية حياته فقد عينه او عينيه الاتنين ...وازاي هيقدر يكمل حياته كدا

بس بعد تفكير مرير عرفت انه عمره ما بكي ....لان الدموع بتحنن القلب وتخليه يرق ..
لكن اللي عيونه قاسية بيكون قلبه ميت .....وده واضح من اللي بيحصل فينا ....
يعني اي بني ادم بيبكي ....هيبكي لما يشوف اطفال في عز البرد بيناموا في الشارع وتحت الكباري ...
لو بيبكي ...هيبكي لما بنت تتعري أو بنت تنضرب بشكل بشع زي اللي بيحصل ......
لكن فعلا القلب قاسي بل ميت .......
ana masry